(((( روبابيكيا الثوره ج 2)))) اليوتوبيون الجدد

(((( لماذا قمنا بالثوره....أنا لااعلم لماذا قومنا بالثوره..... انا كونت في الحمام ساعتها )))))

مشهد من مسرحيه الزعيم للفنان عادل امام .......

اتخيل اننا بعد بضع سنوات سيسأل حاكمنا ذلك السؤال .... وان كنت قد قرأت الجزي الاول  من (((( روبابيكيا الثوره )))) ستفهم ان ذكرياتي وامنياتي ليست للبيع او الشراء او المتاجره

ودعوني اتحدث بصيغه جمعيه علي ابناء جيلي  ولمن لايري كلماتي تنطبق علي نفسه فليرد بعكسها

فسأطلق علينا إسم اليوتو بيون  الجدد  فنحن عانينا (الفقر والذل والمهانه و السرقه  و الزنا و البلطجه والتحرش والخمر والميسر و المخدرات والبطاله والرشوه والفساد والمحسوبيه .....إلخ) عنيناه وعايشناه  

فان لم نكن من يقوم به او يفعله او يُجبر علي فعله بحكم التقاليد والاعراف والخدمات  وتخلص المصالح  فنحن من عاني من تبعاته من ظلم وقهر ومزله وتعبيه

مدينتنا الفاسده حلمنا بان تكون مدينه مثاليه  ونظل نحلم انظر بداخلنا وتمعن انظر الي ما نريد فانتم  لا تعلمون ماذا نريد وهذا فرق بيننا وبينكم نحن نريد ان نعيش في عالم مثالي  لا نحتاج الي قانون يحكمنا  ويظل العلم رايه  يدفعنا الي التقدوم المعرفه سلاح يدافع عن وططنا ضد ظلم واستعباد الجهل  والدين  (سواء مسلم او مسيحي ) هو السبيل الي دخولنا جنه الرحمن عز وجل  ولكن  بالتقوي وليس بالتفرقه

اي اننا نحلم ان يسير شعب مدينتنا في شوارعها لاتستطيع ان تفرق بينهم في الملبس المأكل او اسلوب العيش  تفرق بينهم في العمل  وليس في محسوبيته او لانه مستمع ومنفذ لأوامرك  فهو جيد 

الصلاح بالعمل وليس بالاستماع  الجوده بالعطاء وليس بالفهلوه   الفساد ينتهي  الجهل يختفي العدل يسود

انها يوتوبيا  أيها الساده......

بحثت عن معناها واسرفت قليلاً واجمتع عليها راي الفلاسفه والفقهاء  والعلماء ....

نحن  نريد العيش ليس لنا  لان معظمنا يعيش ولا يحتاجها  ولكن ان نتساوي في كل الحقوق وكل الواجبات لرفعه بلدنا  واعلاء للحق فقط

تنخفض فيه رؤيه الانا الفرديه لتغلب عليه النحن الجماعيه يختفي التحرش وتندثر السرقه والرشوه نعيش بلا خوف او قلق لانحتاج الي شرطه  (تحمينا ) كما يقولون نحتاج علي رجل لحفظ النظام  نظام الحق والعدل  فقط 

هذه مديتنا ام ما تبنوها هاهنا فهذه لم نعرفها ولن نعرفها واعتقد واجزم اننا سنحاربها علي الدوام هي مدينه بينت علي اسس الفساد فيظل ما بني علي باطل فهو باطل  اعمدتها مي سرقه  وارضيتها من جوع وجهل  واسقفها من زخرف يشار اليها انهم ألهه ولكنهم للاسف بشر يخطؤن ولكنهم يتكابرون  وتظل خطيئه الكبر بهم

 يرون القتل والسحل ويسبون القتيل  ويلعنون المسحول  يرون  الظلم فيمجدون الظالم بظلمه ويعطونه قلاده  ويلعنون المظلوم كيف تم ظلمك

انها مدينتكم انتم وليست لنا مدينتكم الضاله وليست الفاضله التي نتمناها

اوعلمتم لماذا قومنا بالثوره الثوره لم تقم لتعلوتا سلطله وتبدلها قد قامت  لننهض بمديتنا الفاضله ونرجع مدينتكم الفاسده الي عصور الظلمه

هذه هي ثورتنا ليست علي الا مبارك وحاشيته  ولكن علي النظام وعادتكم التي نصفها يمجد العيب  ويترك الحرام ويحلل الربا

ثورتنا ترفع الفرد ولا تدنيه

هكذا قامت ثورتنا وهكذا تحيا الي الابد  ستظل

أحلامنا  ستظل حقيقه...... بالطبع افعال وطبيعه البشريه لن تفعلها ولكن سنظل نحلم الي ان تحقق ذلك الحلم او ما شابه  واقترب إليه

بــــــــــــــــ وكسه ــــــــــــــلا: ــــ(((((:::أفرجوا عن النخنوخ الأعظم :::)))))ــــ

بــــــــــــــــ وكسه ــــــــــــــلا: ــــ(((((:::أفرجوا عن النخنوخ الأعظم :::)))))ــــ: *لم نعد نحتمل:- لم نعد نحتمل   رؤيه مسرحيات هزليه . فإعلامٌ يكذب أنه بلطجي ويخرجه كبطل , ونظام وإعلام موالي للسلطه يقول انه بلطجي يستحق...

((((روبابيكيا الثوره ج1)))) ذكريات ماهيش للبيع

ــــ(كلمه حلوه وكلمتين ...حلوه يابلدي)ــــ

أفتكر زمان وانا عيل كده كونت اقف اتفرج علي الاغنيه دي فيديو كليب وجسمي كله مقشعر كده  وكله كل سنه كده والا بتاع كونت تلاقي التليفزيون في 6اكتوبر يفضل يشغلنا اغاني بقي مصر اليوم في عيد هييه مصر اليوم في عيد الله  .... وطبعا انتا كطفل حفظتها بمرور السنوات .... اول حدث سياسي شوفت فيه الداخليه  المصريه كانت ايام محمد الدره كونت تقريبا في اولي ثانوي  مش فاكر المهم اللي حضر الايام دي يعرف  ان محيط  جامعه القاهره ايامها كانت عباره عن مصغر ليوم 28 يناير 

ـــ(عارفه سوااااد العسل ...أهو ده اللي حالك ليه وصل.... ازاي قوليلي مكمله وكل دا فيكي حصل .... ليه الي جايلك أجنبي عارفه عليه تطبطي ....وتركبي الوش الخشب علي اللي منك تقلبي )ـــــ

الفتره دي سواد كلي كامل في حياه تلات اربع شباب البلد دي (وربنا جيل فقري ونحس)  وطبعا عارفين من رفض اسلوب للتربيه من الاهل للتنسيق وبلاويه مخدرات مشاكل زواج الاكل كان ترف اصلا  غير الاضطهاد وبالعني الحرفي من الشرطه لأي كائن إسمه مصري   لدرجه اني في فتره شكيت  انهم بيعملوا البطاقه عشان يعلمونا من الاجانب بس طار التفكير بسرعه احنا بنبان وش اصلا

ــــ(يا بلادي ....يابلادي ... أنا بحبك يا بلادي )ــــ

ظهرت الحاله دي بقي في فتره الثوره بالضبط بعد رجوع النت الي كان مقطوع  وانتشرت واستمرت لحد بدايه يسقط حكم العسكر اللي هي كانت الشهر اللي بعدها تقريبا

ــــ(كان ديما فاشل في الثانويه ....يدوب جاب خمسين في الميه بالرشوه خلاص الباشا اتعلم وخد شهاده بميت كليه )ـــــ

ودي اعقبت الفتره السابقه لتكرر اعتداء الداخليه علي المتظاهرين  من الثوره لحد شهر يوليو واعتصام 8-7 وظهرت  معاها ـــ( مش ناسيين التحرير)ــــ كرد فعل استفزازي عشان فرق الذخيره وكده ودي كانت بتجننهم والتراس مشكورين كانوا في الوقت ده عامود صلب ومازلوا

ــــــ( يا بو دبوره ونسر وكاب ومباحث تنفيذ واداب ....إستجواب بكلاب وعذاب روح اخبط راسك في الباب )ــــ

ـــــ(رفعنا رسنا في السما والجوع مبقاش بيهمنا .... في كل شارع في بلادي صوت الحريه بينادي)ــــ

برغم التناقض بين جو الاتنين بس ده حالنا في الوقت ده تايهين بس سرعان ما ثبتت الاولي ما دخول شهر 5 وشهر 6

ـــ( ويكون جرئ ويكون شجاع مش إمعه وحته بتاع .... مطلوب دكر)ـــ

نداء بدا عشان التوهان ما يزيدش ومافيش حد جهلحد كتابه هذه السطور

ــــ(...×  0.....أه ه ه ه ....  طاخ بوم  تسسسسسس )ــــ

نشيد واغنيه  استمروا من محمود محمود 1 :حتي مجلس الوزارء 

ــــ( ساكتين ساكتين ومكملين .... بنوطي رسنا وعاملين مش شايفين )ــــــ

ــــــ( مطلوب منك السكوت تكون انسان بديل .... مطلوب تسكت تموت او تعيش اسير....عايش في اكبر سجن بس من جوايا حر حاضر هتعجب تكفي عني كل شر ... الولاء للماضي وافكار لينا صديقه ...كذب الكاذب جوايا بياكد الحقيقه ....انعكاس تاريخ الزيف في المرايا واضح .....طوبه تكسر المرايه للحقيقه فاضح ....مستورين من جوانا لو جسمنا اتكشف ....فرد ينطق بالحقيقه بالخيانه اتوصف ... انهزامي وإنهزم ....انتصاري اللي اتسرق.... الحقيقه فبركوها بحرن علي كتاب اتحرق

أنا اللي ماتوا من سنه واللي قاتل ما اتشنق .... انا السطور علي الورق .... انا اللي من جوه اتحرق .... انا اللي شعري شاب وهو طالب مدرسه ..... انا اللي ثانبت مهما قالوا ومهما زودوا الاسي .....إثبت مكانك )ـــــــ

..................................لآ تعليق

ذكريات كتيررررر افتكرتها وانا فيها من ساعه ماكونت بطنطط وانا عيل لحد ماشفت القمع بعيني  ولحد مابقيت ضد نظام افسد وبيفسد عقول  وهفضل ضده سواء كان ماسك كاس خمره وبيقولي في صحتك او ماسك مسدس وبيهددني بيه  او ماسك سبحه  وبيقولي  قال الله تعالي وقال رسول الله  طالما انتا ساكت علي فساد تبقي مشارك فيه  ومشارك فيه انا هكون ضدك 

وللحديث بقيه .....
يتبع.........

ــــ(((((:::أفرجوا عن النخنوخ الأعظم :::)))))ــــ

*لم نعد نحتمل:-

لم نعد نحتمل   رؤيه مسرحيات هزليه . فإعلامٌ يكذب أنه بلطجي ويخرجه كبطل , ونظام وإعلام موالي للسلطه يقول انه بلطجي يستحق الاعدام  وبين هذا وذاك يقف المواطن حائرا  بينهما  منتشيا بما يحدث لكثره همومه لعله يجد ضالته في نسي هموم العيش الغير أدميه بالأساس ولكنه ارتضي بهمها (رضيت بالهم وهو مش راضي بيا ) كمثل من يهرب من فشله يوميا في البحث عن اموال لساعات ثم يبحث عمن يبيعه المخدر لساعات ثم يتخدر كليا لساعات فيتبقي له بضع ساعات ينام ويصبح ويمسي في بلاء الدنيا وقرف العيش

*العدل :-

(المساواه في الظلم عدل ) قاعده اعدت عليها في دنيتي مذ كنت صغيرا في المدرسه كمثال كان  مدرسه الحصه المدرسيه يعاقب الفصل كاملا ً إن  اصدر امراً وقد قام واحد أو بضع طلاب بعصيانه فالنتيجه شؤم علي الجميع حتي اذا اراد احدهم تكرار الفعل مره اخري تصدي له بقيه الفصل بالطبع كان يخد صغرات لنا للعقاب ولكن ليس وقته  القصه ههنا  الجمله  فمن العدل اخراج  النخنوخ الاعظم  ولما لا فكيف بعقلي الصغير المحدود ايتها السلطه لا تحاكمين قاتلك  وتريدين مني تصديق انك ستحاكمين اداه قتلك فانتي اساس القتل  كيف تدعين عنه البلطجه وانا رايت قاتل شهيد الاسكندريه الاعزل   وهذا اضعف الايمان  وكما ذكرنا  العدل  ومقوله بأخري (اللي بيته من إزاز ميحدفش ناس بطوب )

*المساواه:-

لنتذكر جميعا منذ عاما ونصف مروراً حتي نهايه العام كيف كان إسلوب النظام السابق الحالي في معالجه الأمور والأزمات وسأذكر حادثين بسيطين أولا تامر من غمره (إبحث في اليوتيوب) ونحن نعلم تماماًما حدث في هذذا السياق الآخر مذيعه الأولي اللي حثت جموع الشعب ضد الاقباط اللذين(يحاولون)قتل جنودنا عند ماسبيرو  ونقطتي لاتدور في سياق الحادثين ولكن الاسلوب الاستباقي للتشتيت   لنعد الي حاضرنا وانظر كم التلفيق للنخنوخ العظيم في شتي المجالات والعمل علي جعله بطل قومي نصير الغلابه كادح  جيفارا القرن الجديد( أحيه يا بلد) نفس الاسلوب في استخراج البراءه شعبياً قبل حتي ان توجه تهمه (أنا اصلا معرفهوش)

علي غرار مكالمات التليفون (بمنتهي الشفافيه) أيام محمد محمود عاوزين نهدي بقي.... حرام.... أمارس الديمقراطيه.... عاوزين نستقر... إلخ هذا النخنوخ يعرف النظام ويلعب باسلوبه  متساويان معاً

*عدم الإقتناع:-

لن يقتنع عقلي البسيط بانه سيحكام ولايوجد بلاغ ضده ويوجد ملايين أكد ان اجزم بذلك البلاغات ضد اشخاص اكثر او اقل خطوره  ولم تتحرك الاجهزه الامنيه المعنيه  ثانيا  لااقتنع بفكره انه بهذا السلطان وفهمه للنظام واسلوبه الهادئ الواثق  بأن من حماه كل هذه السنوات سيتركه هباء هكذا

*شوفت العصفوره:-

أخيراً.....

ياتري في غمره الاحداث دي حد فاكر ان فيه قريه اسمها صنصفط فيها ناس لسه بتموت بسبب ميه الحنفيه طبعا لاء شوفتوا العصفوره فعلا احنا قطيع غبي :(

شويه حاجات نسينها زي الدستور اللي بيتكب مثلا

القرض اللي هيتاخد عشان الدعم الشعبي ضده مش موجود وحوار جنود سينا اللي ماتوا ده وانسحاب القوات النهارده علي قواضي السعوديه  اللي كل شويه تقبض علي مصري والاهانه شغاله الله ينور  ده غير موضوع الصحافه غير موضوع قانون الطوارئ

شوفتوا العصفوره  والمعتقلين وسب اليسار والاستهانه بحزب الدستور وباقي الاحزاب وخالد عبدالله  والنور والميه والناس اللي غرقت  والقرض الدولي .......شوفتوا العصفوره ... الحكم الصادر في حق الناس اللي اتقبض عليهم في 9-9 احداث السفاره .... المعتقلين ....حق الشهداء....... شوفتوا العصفوره

*ختام:-

يا نظام قبل ما تحاول تقنعني   انك بتشتغل نضف نفسك يمكن اقتنع  ومش شغل تصفيه حسابات عشان هعرف وهفهم
ياريت نفكر ومنجريش وراهم ونركز بتفكيرنا مش عشننا عشان الناس اللي ماتت فداء لينا .... والناس اللي محبوسه مكننا

يمكن دي تشرح كلامي انا مش أولتراس  بس بحبها لانها بجد صح في كل كلمه

الكورة لما جينا كانت كدب و كانت خداع :كانت مغيبة للعقول كانت للسلطة قناع
بيحاولوا يجملوها وتبقى هم للبلاد :وناسيين المدرج اللى مليينة الآلاف
أقتل فى الفكرة كمان
والظلم فى كل مكان
عمرى ما هنسالك زمان
كنت عبد للنظام
ولما الثورة قامت نزلنا فى كل البلاد :موتنا على الحرية وسقوط رموز الفساد
مسكتناش مهدناش ما لسا النظام موجود :داخلية الكلاب والظلم فى كل مكان موجود
أقتل فى الثورة كمان
كلمة حر ليك جنان
مهما يزيد بطش السجان
قدام صوتى يكون جبان
قولناها فى المدرج قدام الملايين: يسقط نظام بيقتل كل يوم فى جيل وجيل
دبروا لنا المؤامرة دبروا لنا المستحيل :قتلوا أغلى الصحاب قتلوا حلم السنين
فى بورسعيد ضحايا شافوا الغدر قبل الممات
شافوا نظام خير ما بين حكمه والفوضى فى البلاد
كان فاكر حكمه يوم هيخلية فى أعلى مكان
والشعب الثورى يركع للعسكر زى زمان
أطلق فى كلابك كمان
والفوضى فى كل مكان
عمرى ما هديك الامان
ولا تحكمنى يوم كمان

                      )ــــ( المجد للشهداء )ـــــ(

من اين اتي الطرف الثالث

من هو المغفل
المغفل هو الكائن اللي عارف انه  بياخد علي عينه وعارف وساكت ومعندوش مشكله  يعني لو علي افتراض جدلي عندي في الشغل مثلا كل زبون بيدخل عندي عارف ان اي محل بيبيع اكسسوار موبايلات معندوش اصلي او بمعني بسيط الاصلي صيني والمضروب صيني  والتوكيل صيني وكلهم بيشتركوا في حاجه واحده غير انهم صيني  انهم جايين مصر فاقصي درجه جوده من ال13 الي ال10 مش نوصل ال8 يعني برده زباله  ده مش عشان الصين مبتعرفش تصنع لاء عشان المستوردين عندنا ربنا يباركلهم عاوزين رخيص والمستهلك  غبي عاوز رخيص وهما ناس بتشتغل

وبما انها كده بيدخل عليا الزبون وبيعمل نفسه نضيف وهو اصلا معفن ويطلب الاصلي وهو عاوف ان كله ماشي (الا من رحم ربي ) ويطلب سعر فيترد عليه مثلا ب50جنيه  يقول ليييييييييييييه  ماهو في كل حته ب15  فتعرف وتتاكد انه معفن اصلا


طبعا كلامي مش ده الغرض منه اصلا  ده كان تعريف بسيط لانه في الاخر بيدفع 35 وهو عارف انه صيني وانا عارف انه صيني نضيف

المشكله ان الموضوع ده مش في البيع والشراء ده بقي نظام حياه عام  بمعني انه عارف ان المجلس بايع البلد وساكت وعارف ان الاخوان عاوزين المصلحه بتاعتهم وساكت واول ما يجي علي الثوار عشان هما قله يقول منكوا لله .... انتوا ايش فهمكوا .... مع ان كل المسيرات بتدور علي حقه  والناس اللي عاوزينهم يتحبسوا  هما اللي كانوا مطلعين عينه  ولحد دلوقتي ملحسينه التراب علي امل بقي انه كمان 10 او15سنه تتعدل البلد طب ماهي هي هي الصعابه اللي كانت بتحكم موجوده والناس اللي معاها الفلوس ي ماهي بس الفرق اننا الاول ماكناش عارفين هي بتروح في الفلوس ودلوقتي عرفنا انها بقت بتتسرق  يافرحتي
بمعني ان الشعب كله مغفل  بمغني انه عارف انه بياخد علي عينه وساكت

المجلس بياخد علي عينه من امريكا
والثوار بياخدوا علي عينهم من المجلس
والاخوان بياخدوا علي عينهم من الشعب والمجلس وامريكا
والجيش بياخد علي عينه من المجلس عشان القياده
والسلفيين بياخدوا علي عينهم من السعوديه
والاقباط بياخدوا علي عينهم من نص المسلمين
والمسلمين عشيين دور المستهدفين فياخدوا علي عينهم من العالم
والثوار بياخدوا علي عينهم من الشعب
والشعب بياخد علي عينه من نفسه عشان مش لاقي ياكول

اذن  الطرف الثالث  من الفضاء

:::::(منكوا لله قتلتوا الثوره):::::

منكوا لله قتلتوا الثوره  بغبائكوا وطمعكوا ولحسكوا للبياده وحبكوا للمال

اه انتوا يا شعب  انتوا اللي سكتوا علي السارق وبتهتفوا  ومش عاجبكوا
 اعملك ايه عشان ارضيك .... اشتغلك واجيب فلوس لحد بيتك الثوره دي زعلتوا لما قولنا بتاعت شباب ولما قولنا بتاعت شعب  فشختونا كل شويه منكوا لله خربتوا البلد علي اساس ان البلد طول عمرها مزدهره  الارض اتباعت والا ناسيين 
الصناعه واتقفلت لتخفيص النفقات والا ناسيين 
المصالح واتخصخصت  والا ناسيين 

الاخوان وباعونا ايام ال18 يوم والا ناسيين
السلفيين حرموا الخروج علي مبارك اللي متحالف مع اليهود !!!!!! والاناسيييين

الاحزاب اليبراليه  كلهم كانوا معارضه شفهيه  يعني كانوا بيتكلموا بالامر



ودلوقتي بعد هههههههه (الثوره) لما بنرفض بننضرب وانتوا عارفين وساكتين
 بنتقتل  وانتوا ساكتين
بنتسحل وانتوا ساكتين
بناتنا بتتعري وانتوا ساكتين

وقال ايه عاوزينا بنقي زي ليبيا  هههههههه ليبيا  دلوقتي بتمشي في قصه رئيس مؤقت ورجعت جزء من فلوس القذافي اصلا

وبالنسبه ياعالم ياللي بتعمل حوله لاننا عملاء  ..... انهي بلد هتدفع فلوس لناس عشان يوقعوا بلد تانيه بتدفع لها فلوس وبتضغط عليها بيها اصلا 

يعني ازاي الامريكان ماسكين رقبه العسكر بالمعونه وبيدفعولنا فلوس عشان نسقطهم 

طبعا  ياشعب انتا فاهم وعارف كل حاجه بس مش عاوز تعترف عارف ليه عشان طماع في اللقمه الرخيصه ومابتقولش كلمه حق 
ـــــــــــــــــــــــــــــــــــــــــــــــــــــــــــــــــــــــــــ
هو ده اساس الحمله نخلي الناس تعرف الكلام ده من غير مانقوله  يعني  نعمل مسيرات صامته وكل اللي فيها لابسين اسود وياريت يكون تي شيرت اسود يكون مكتوب عليه حداد او حداد علي الثوره

والبنرات او اليفط تكون تعبير عن سبب من الاسباب اللي خلت الثوره تنحصر  مثلا رضوض من السنه علي الشيوخ

رضوض علي كلمه خربتوا البلد  .... نواتج السكوت علي العسكر مع عرض نواتج السكوت في 1954 بسبب الاخوان

 ولو فيه امكانيه تامين عرض هيكون عرض كاذبون مش للعسكر وبس وهنحط  بعض الناس زي عوكشه وهو بيبوس الايادي وهوفاكر نفسه ثائر وكمان حته المخطط   والكابتن ماجد قصدي شوبير  والعارف بالله يواد يامؤمن .... وشويه اعلاميين علي القناه الاولي وطبعا في الاخر نعرف الشعب فلووووووووووس المجلس من منتجات الجيش

زي المكرونه والشيبسي  والغاز والبنزين  ونعرض فكره مؤمراه الموطنين الشرفاء وازاي الجيش سمح بتقل التراس اهلاوي

وطبعا ماننساش صور شهداء الثوره حتي الان واهم حاجه شهداء الاخوان والسلفيين والاقباط اللي اتخلي عنهم  اولوا امرهم
 (  اللهم اضرب الظالمين بالظالمين واخرجنا من بينهم سالمين )

(وجعلنا من بين أيديهم سدا ومن خلفهم سدا فأغشيناهم فهم لا يبصرون )


ســـــــــــــــــــــــــــــــاكتــــيـن.......... ســــــــــــــــــــــــاكتــــيـن

بــــــــــــــــ وكسه ــــــــــــــلا: قول ماتخافشي العسكر لازم يمشي

بــــــــــــــــ وكسه ــــــــــــــلا: قول ماتخافشي العسكر لازم يمشي: يعني ايه تسليم سلطه ؟؟؟ يعني زي ماحصل كده يوم 11فبراير اللي فات تنحي مبارك وسلمها للمجلس الاعلي للقوات المسلحه طيب ايه المشكله ان المجل...

قول ماتخافشي العسكر لازم يمشي

يعني ايه تسليم سلطه ؟؟؟
يعني زي ماحصل كده يوم 11فبراير اللي فات  تنحي مبارك وسلمها للمجلس الاعلي للقوات المسلحه
طيب ايه المشكله ان المجلس يفضل فيها ؟؟؟

المشكله انه فاقد الشرعيه اصلا

وهنتكلم من بعد الاسفتاء علي الدستور اللي عمله المجلس  في الاستفتاي 77% من الناس اللي شاركت وافق علي تعــــــــديل  مواد في الــــــد ستــــــور بموجب المواد دي  ونص الماده التانيه من الدستور الشعب مصدر السلطات  الشعب امر المجلس بعمل انتخابات رئاسه ثم مجلس شعب في مده لاتزيد عن 6اشهر لاغير من الزام الرئيس الجديد بعمل مجلس شعب والزام مجلس الشعب بعمل دستور جديد  من بعدها يتم عمل انتخابات رئاسه علي اساس دستوري وبعدها انتخابات مجلس شعب

وهنا بقي النقطه الاساسيه

انه انقلب رسميا علي الشعب باصداره اعلان الدستوري اللي شال منه كلمه رئيس الجمهوريه وشال الدستور اللي كان موافق عليه الشعب مؤقتا  لحد ما يتعمل جديد وادي لنفسه السلطه التشريعيه  يعني اصدار القاوانين وخلافه  وادي لنفسه السلطه القضائيه وهو انه يحاكم زي ماهو عايز ويحبس  وادي لنفسه السلطه التنفيذيه باخداع وزاره الداخليه تحت امره ..غير اوامر الضبط والاحضار بتاعت النيابه العسكريه
طب ايه المشكله ؟ المشكله انه كده  المجلس يقدر يتصرف زي ماهو عاوز ومحدش يعرف يتكلم معاه لان مافيش رقيب عليه اصلا
مثلا  هات ولد واديله عشره جنيه وقله مصروفك  طبيعي هايخدها ويجيب بها شبسي ولبان وملبس ويفرتكها  ليه عشان معاه فلوس وانتا محددتش انتا عاز منه يعمل ايه بيها ونهيته انه يعمل بيها حاجه غلط
طب انتا بتتكلم من وقت طويل اوي دلوقتي حصل وسكتنا عليه وهما بقالهم كتير نكمل بقي؟؟؟

المجلس اعتقل نص الثوار وقتل اد اللي قتله مبارك في الثوره تقريبا في كل العمليات اللي فاتت
المجلس ماحكمش القتله .... المجلس طبعا مش عاوز يسيب السلطه المجلس له مصالح مرتبطه بالدوله وهي كده .... المجلس بياخد سنويا  مليار و300مليون دولار من امريكا باسم المعونه ... المجلس حامي منجم السكري وبيسفر الدهب في حمايته ... المجلس بيوقع الشعب في بعضه من ساعه موضوع معركه العباسيه .....مرورا بماسبيرو ...ومحمد محمود وحتي مجلس الوزراء
المجلس بيبعت غاز لاسرائيل .... المجلس بقاله 11 شهر مش عاوز ينزل الضباط وسهله انه كان يحاكم اللي مش هينزل .... الخ
طب ماحنا مش لاقيين ناكل حرام كده البلد هتقع ؟؟؟؟

مين قال كده البلد اقتصادها الي حد ما ما اتغيريش  هي دلوقتي مافيش فلوس كافيه بس الاول كان فيه وكانت بتتسرق
ثانيا هما لو عاوزين يعملوا هيعملوا فلوس
مثال  لو انتا عطشان جدا جدا  وما فيش غير حنفيه واحده بس قدامك وانا معايا المفتاحبتاع الحنفيه وفضلت انقطلك انتا  هتفضل عطشان ومحتاجلي لكن لو انا فتحتها نص نص انتا هتشرب وانا هشرب بس انتا مش هتحتاجلي
طب هنسلمها لمين  وهنمشي الجيش عشان الامريكان يحتلوا البلد؟؟؟؟؟
احنا مش هنمشي الجيش احنا عاوزينه يرجع للحدود من تاني  لانه كده احنا بندي فرصه للطمع اكتر مثال لو الجيش رجع الحدود وركز في حمايه البلد احسن والا لما يمون نصه متوزع في اركان مصر وبيحارب مصريين ويدافع عن قسم ايه ويقف في كمين بتاع بلد ايه  ويتهجم علينا وسط ده كله انهوا اضمن لحمايه البلد
نسلمها لمين دي سهله اوي يعملوا اعلان دستوري يسلموا فيه السلطه لقياده مجلس الشعب والزامها بعمل انتخابات رئاسه مؤقته لفتره سته اشهر  والانتخابات تكون في فتره شهر بالكتير  لحد ما يتعمل الدستور الجديد  ومن نصوص الدستور عمل حكومه ائتلاف وفورا
وبالنسبه للامن يطلع مرسوم من المجلس بخصوص وزراه الداخليه بان كل واحد مش هيشوف شغله هيتحاكم عسكريا بالسجن لمده خمس سنين والنيابه العامه عليها الاشراف فتره ست شهور 
 واظن باقي الحلول بتاعت مراقبه الاسعار وتحديد حداقسي وادني للاجور والكلام ده بتاعت مجلس الشعب


 يعني هي سهله بس هما بيقولوا انها مستحيله  فكر من نفسك ومتخليش حد يملي عليك كلام

قول ما تخافشي المجلس لازم يمشي

الثوره مستمره........... والمجد للشهداء