وجــــــهه نظر

من الاسباب اللي خلتني ابتعد عن الميدان وعن السياسه وعدم الكتابه فتره تلات اسابيع

1. (غــــزوه الاحزاب) الانتخابات بعد احداث محمد محمود تم طحننا بحيث بدل ما كان التشتيت من المجلس بين النخبه بقي التشتيت الثوار نفسهم وقسمونا تاسع مره الي موافق علي الانتخابات وغير موافق ومعترض

2. بدايه فرقه بين الشعب والثوار بدات منذ غلق الميدان واعلان الهدنه  وتشويه السمعه والمشكله اننا برده(وقعنا في الفخ) الللي هو اننا نبعد عن الانتخابات وبس (لحاجه في نفس  طنطاوي ) ولسه مش عارفها لحد دلوقتي ؟؟؟؟

3. عمليا ملناش وجود في الشارع وكلنا (بلطجيه ومخربين ) ومحدش يقولي الشارع اللي سابنا  احنا فرحانين بالتصادم مع المجلس
وبس لكن الحقيقه احنا مش عارفين نعمل ايه غير كده

4. حبيت اجرب ابقي فلول فتره وافهم ايه اللي مخلي الناس مش فاهمانه  وطبعا مساعدني ان شغلي في العباسيه
لاقيت

1. الاداه الاعلاميه اللي الحرب شاغله عليها 24 ساعه فشخانا

2. الناس بتفكر با سلوب (الاكل اولا ) وده  اغلب التفكير العام عند ناس كتير

3. احنا بعييييييييييييييييييييد فشخ عن اللي الناس بتحلم بيه اخر اللي الناس عاوزاه تاكل وتشرب وتأكل عيالها لو زاد فلوس يبقي خير وبركه ...احنا بقي بنحلم في بلد قويه متقدمه من كل النواحي بس للاسف هما مش عارفين كده هما شايفين اننا بنفكر في اللي احنا محتاجينه وبس 

4. علينا اننا نفضح المجلس عالميا وداخليا وونلعب معاهم زي ما بيلعبوا معانا سياسه

 انا مش ضد الاعتصام علي فكره بس ضد فكره اننا نكون بنفكر باسلوب شخصي مافيش مكسب فعلي منه

انابس عاوز افكر باسلوب اكبر من اني اعارض فقط .... والحل اللي وصلت ليه الفضيحه
 افضحوهم علي كل القنوات ....افضحوهم وسط اصحابكوم .... افضحوهم وسط الاجانب وشيروا الفيديوهات وانشروها
لازم الناس تعرف هنا تكسبهم وتاخد افضليه عليهم .... وتكسب اصوات

 الثوره اولا ........ والمجد للشهداء

علي الماشي ماذا يريد الثوار والمجلس والشعب

ماذا يريد الثوار والمجلس والشعب

صباح الخير كده بالصلاه علي النبي   ومن الاخر عاوزين نعرف احنا فين بدل ام حورينا يا كيكه(مثل غريب معرفش مين مالف امه ) اللي احنا فيها دي .....

بالراحه كده تعالوا ننقي الناس ونفط الدنيا بتاعتنا
هنبدا باللي مش عاجبهم حاجه ابدا ولاد التيييييييييييييت (طبعا مش عاجبهم لان مافيش حاجه اصلا حصلت من الاساس)  

الثوار : عاوزين  عيش حريه عداله اجتماعيه شغل دوله زواج عيشه سلطه مدنيه  يا خلق  ارحمونا بقي  وليك حق تختار تكون معاهم بس ماتكونش عليهم (كلامي مالوش دعوه بالدين والعلمانيه والمهلبيه مش طالبه غباوه )

ونيجي لنمره اتنين بقي الفتوه بتاع المنطقه  والبعبع وابو دراع

المجلس : عاوز يحكم من تحت لتحت يعني هو الحاكم ولما تساله يقولك معرفش وماليش فيه او يزعل منك ابو قمصه طبعا ازاي تسال هو انتوا بتفهموا  وطبعا بقي محدش ليه انه يعلرف احنا كيزانيتنا قد ايه هتبوصولنا كمان في اللقمه (سؤال خارج المنهج منين المعونه الامريكيه  واحد بالفقاقه هيعرف  انها من امريكا برافوا عليك انتا ياللي علي الشمال طب مين بنت امريكا  واحد تاني بالفاقه برده هيعرف ايووووون انتا ياللي رافع ايدك  اسرئيل وطبعا لما لما يتصرفلنا كام دبابه او طلقه صوت لازمن بقي ولابد اسرئيل تكون عارفه بيها ..مستكترينها علبينا ليه بقي  ....هو مين فينا اليهود ؟؟؟؟)
وبرده ليك الحق انك تكون معاه بس مالكش حق انك تعترض عليه عشان هيحاكمك عسكري

ووووووسع للتالت اللي مالوش حل بطل الحرب والسلام والكنبه والمنام والريحه والتريحه  والجلابيه والتلفيحه
حوبي الاول والاخير  شعبيييييييييييييييييييييييييي الحبيب الودود المهاود

الشعب : ونسل الشعب عاوز ايه ...خربتوا البلد ...ايه اللي ناقصك خربتوا البلد .... ايه مشاكلك ..... خربتوا البلد
 وبرده ليك حق انك تعرضه او تكون معاه لانها كده كده مش في الدماغ اصلن

وعمتا برده يسقط يسقط حكم العسكر .....

الاول ولا فخر .....واللي مش عاجبه يشرب من البحر

بـــــــــــــــــ وكـــــسـه ـــــــــــلا

عندما تتحدث الفلول علي الثوار السكوت

اتضحت الرؤيه جيدا منذا رمضان الماضي وحمله التشويه العام  والمتعمد للثوره و من يمثلونها ولن اقول الثوار لان الثوره كان ابطالها الشعب اما من تبقي منهم يدافع عنها هم وانا احتسب لي نفسي هذا الشرف من يتوجسون حدوث سيناريوهات تاريخيه فتاريخ مصر دوما ما يمتلئي بالسينريوهات التاريخيه للقفز علي سلطتها ومن هنا جاء وصف شعب مصر بانه(يلمه ظيطه وتفضه عصايا) اذ انه يثور وينفعل ويزلزل الارض ولكنه طيب القلب فينظر للعجله الانتاجيه التي انتجت  اقمار صناعيه؟؟؟؟ واخترعت ماكينه الفيسكوفات الاحترازيه
او انه يكيل لك الشتائم تحت مسمي خربتوا البلد علي انها كانت تنافس اقتصاديات العالم نجاح  عشان نخربها ؟؟؟؟؟ او يخرج عليك رجل زو هندام ونظاره شمسيه ويقول انا كونت شغال  في السياحه ودلوقتي وقفنا فتساله بسذاجه هل تعلم انه بمجرد ان ظهر المخلوع علي الشاشه في المحكمه وانه في مصر وصل علي مدار ثلاثه ايام الي شرم الشيخ اكثر من 50الف سائح فيرد وانا مالي انا بشتغل هنا في القاهره ترد ببرود يشوبه الغضب طب في القاهره انهي سياسه الاثار اللي اتكسرت علي ايد الموزير السابق والا اللي اتباعت  والا اللي باقيه ومتنيله علي عين اللي خلفوها محدش معبرها من خمس سنين والا انتا قصدك سياحه الهرم يحمر وجهه خجلا ويصمت ويضحك الموجودون ....وهم لايعلمون ان معني السياحه عندنا مفهومه خاطي مثل التعليم والبحث العلمي والحريه و...و...وووووووووو... الي السياسه والانتخابات وهنا الفجر البين في المفاهيم عندنا وقد ورثنا من ابو ابناء مبارك معلومه ان الانتخابات صفقه اللي يكسب يدخل الجنه واللي يخسر يدخل النار ....بدا الاخوان التجهيز ومعاداه باقي الاحزاب والجبهات منذ الا من اتفقوا عليه  او انها معارضه اكذوبه كما كانت ايام المخلوع ليس هذا موقفي الان ...موقفي في الفجر العام للفلول ومدعي البطوله







قبل الثوره من اجلك انت

بعد الثوره من اجل مصر وثوره مصر طب كويس مطلعتش اول واحد نزل الثوره

ويزداد الطين بله ..... احد السياسين المشهورين (م.شخري) في حلقه من ايام الثوره يوم خطاب المخلوع المبكي ويقول كفايه الراجل قال انا همشي انا بدعوا كل الناس ترجع بيوتها وبيعيط وتحس انه بيتكلم عن ابوه اللي بيموت ومن كام يوم كده بكل وقاحه يقول طبعا في يوم المخلوع لما قال اموت في بلدي الناس قالت حرام عليكوا لكن انا قولت لالالالالالالا لازم يمشي ...... وطبعا الفيديوهات المسجله اتمحت من الوجود

وخد عندك ترفيق عماشه علي ميدو عنكبوت علي شويه تامر بتاع غمره وحط عليهم المطرب المغني المهوب الشهير عزف  مصطفي  وتحابيش من اعلام غبي ولا يعرف رائحه الشرف يبقي عندك خرعه ثوره وينجح في الانتخابات اللي يدفع اكتر




 افهم من كده انك بتقصد المعونه الامريكيه العسكريه يعني انتا مخاصم السلطه  هتلاعبني بالفاظ هلاعبك


عشان كده كل اللي زيي مش بيعرفوا يناموا تعرفوا ليه ؟؟؟؟؟؟

اقولك لاننا خاييفين لاتروح علينا نومه ونلاقيهم بيقولوا مبارك هو ادمن خالد سعيد والمفجر للثوره
  والله الموفق والمستعان
تتمسوا بالخير (ريم ماجد استايل )

ملحوظه جميع الاسماء هنا لاتمت للواقع بشيء ولكن ممكن حد تكون علي راسه بطحه

أنا حي واحلم ياعسكر بالإختصار(أ.ح.أ يــا عسكر)

اليوم 12/9/2011
الساعه 9:23مساء

لن انسي يومي هذا ولا ساعتي هذه لفتر كبيره من العمر الا لو اصبت بالزهايمر ان اراد الله تعالي  وليس سبب تذكري لهذا اليوم هو فراق محبوبتي او اني ولد لي مولودا  او نجاح بكالريوس او ثانويه عامه او يوم زواجي ...يومي هو اول يوم افيق فيه مزن هول صدمه لم اكن لاتوقع ان تحدث يوما ما 9/9/2011 بدايه انا لا اساند ما حدث من اقتحام من افراد لااعرفهم شخصيا  وان كنت موجود واو اعرف كنت سامنعهم من ذلك ليس حبا في ما يحدث ولكن لحفظ هيبه دولتي حتي  يحين موعد الفصل بيننا واسترداد فلسطين

الشرطه العسكريه تساند شرطه الداخليه في التصدي للشعب  ....ياعم عادي دول بلطجيه ولاد كلب ماتزعلش نفسك ادفن راسك في الرمل كمان وقول انهم بلطجيه ....قول حراميه ....قول وقول وقول كمان بس انا هقول اللي شفته لان الساكت عن الحق شيطان اخرس
ابدا من نقطه وصولي الي حدود سفاره اليهود في قلب العاصمه ودخولي منطقه كوبري الجامعه حدود التاسعه من مساء يوم9/9 جمعه لا للمحاكمات العسكريه وتصحيح المسار ...خدعه ....فخ  وضع لتلوث الثوره وتشويه سمعتنا وفرض قانون الطوارئ وان كان لم يلغ بعد ولكن رجوع امن الدوله (الامن الوطني سابقا قبل القانون ) اري بعيوني مدرعات تحت مبني السفاره والمباني المجاوره وقد رفع عنها المتعدد (السلاح اللي علي المدرعه من فوق) لم ينزل في الميدان والعدد كان اكبر بكثير والغضب اقوي بكثير ولم اعرف السبب  اري جنود تتمشي وسط هرج المحتجين .... اري ضابط (عقيد او ماشابه) يجلس امام البا ب بجانب الكوبري علي حجر اسمنتي ويتفرج (اسئل الرفاق ممن كانوا معي (ايه السبب للهدوء ده ....السكوت ده مش عادي ....دول حتي مش بيعترضوا ...يرضوا عليا ...الجيش بيحاول يثبت حسن النوايا اكيد مش هيضرب كل الناس دي ...اتذكر العباسيه واول رمضان  وفض الافطار ....وارجع اقول يكمن وانا اتمني ....اري هياج كبير اوراق تتطاير واناس تتقاتل للامساك بها وتصويرها وترجمتها ان كانت بالانجليزيه وقرائتها ان كانت بالعربيه في مجموعات
السعه 9.30 او العاشره احد اصدقائنا يتصل بنا المديريه بينضرب  عليها نار وطوب من ناس شكلهم شبه بتوع الامن المركزي  وبداؤ يحدفوا غاز  ...برفع عيني الاقي رجوع من نااااااااااس كتير كائن وارهم سيل او بركان بعض من اصدقائي يلبسون قناع الغاز اما انا فلا وندخل لنري ماذايحدث لم نكن ننوي شر اقسم بالله ولكن لتري ان من كان يشار اليهم بانهم من بدا هجوم علي المديريه يتمركزوا بوضع تشكيل وهم لابسين مدني والجنب التاني جنبهم  علي طول تشكيل امن مركزي وقنابل الغاز تبدا في الهجوم ندخل 5 وتسقط بيننا ثلاثه قنابل واحد تمر بجانب وجهي ارجع الي الخلف وحدي لانني لم احمي نفسي من الغاز ....واري اعجاز البشر الذي لم اقدر عليه ان كان خوافا ام انه فعلا ضيق تنفس من كثره الغاز الذي كان يلقي بالست دفعه واحده وعلي مسافات لاغراق المنطقه لدرجه انني من هولها وصلت الجانب الاخر لالتقطت انفاسي لانني قد قاربت الاغماء وهو ان تدخل وسط الدخان لتمسك بقنبله تليقها مره اخري عليهم او من فوق السور .... اذهب واعود وهم يتقدمون والضرب يزداد ومن الشهادات المؤكده رؤيه قوات الامن المركزي قبل الاحداث بحوالي نصف ساعه يقومون بتكسير طوب وتحميله عرباتهم في شارع الجامعه ...(هههههههه اه ده جايلي انا بقي )....طبعا مش عاوز اقول ان كان في ضرب طلق ( بلي )من اول لحظه وبعد نصف ساعه ضرب ناااااااااااااااااااااااار حي علي الناس او بمعني اصح اللي قدام لانهم كانوا بيرموا القنابل في جنينه الاورمان او عليهم تاني وده بعد ما ربنا كرمنا وانقلبت الريح فجأه عليهم بقوا يستهدفوا الناس بالقنابل وانا كونت هاخد واحده في دماغي  .......
وجت الشرطه العسكريه والناس بتهتف اقول مش هيحمونا الناس زعقت معايا وانضربوا لما اتعموا للحقناهم بالخل والبيسي




والله احنا لحقناهم وهم مش عارفين يتنفسوا فيه بلطجي يعمل كده ......
المهم بعد فتره دخلت ال6 او 7 مدرعات وتبدا الصدمه مره واحده زاد عدد الامن المركزي وزاد ضرب الغاز وبدانا نرجع فضلنا لحد 2 تقريبا في الشارع المقابل وهما علي حدود شارع المديريه وجت العربيات المصفحه بتاعت 28 ونفس النظام بتدور علي حد  تدهسه وبتضرب غاز عربيتن




وفضلنا لحد الساعه 5 علي كده كر وفر وانا بموت ومش قادر من الغاز وكل اللي علينا كولنا لو طبتلوا الغاز هنوريكوا الرجوله
وبدؤا يرجعوا من الضغط والعزيمه وهنا بقي الصدمه الشرطه العسكريه تنزل مكان الامن المركزي والعكس مع وجود المدنين بتوع الاول  وبتضرب نار الاول في الهوا وبعدين بتقل الزاويه لدرجه اني شفت طلقه ضربت في بلكونه عماره جنبي في الدور التاني اقسم بالله الكلام ده جنب سفاره فرنسا وفيه كلام عن سقوط ولد صغير 15:18 سنه برصاص ضابط جيش الناس قالوا كده انا كونت بريح ورا من الغاز ولما سمعت الهوجه جريت لاقيت الدم واللي شفته استحاله الدم ده يكون فيه واحد عايش بعده واللي بيوصف بيقول طلقه جت في دماغ الواد وضابط جيش وقف ورا شجره وضربه بالطبنجه بتاعته




وبدا تشكيل جديد مدرعه او اتنين لااتذكر وتشكليتني جنود مع الاولنين( الجنودو المدنين) بالعصيان والطوب والنار ورانا جري من عند السفاره لحد ميدان الجيزه واصيب عدد كبير من الناس من الطلقات اخرهم عيل في نفس السن شفته بيجروا بيه علي موتوسيكل واخد طلقه تحت باطه الايمن والدم بينزف منه ومعرفش مصيره ايه

الاهم بقي ان بعد الدغدغه دي فينا يتقال علينا بلطجيه ....مخربين .... وكمان يفعلوا قانون الطوارئ وامن الدوله ترجع تاني
ردي عليهم لاء انا مش كده واللي معايا مش كده

انا حي  واحلم ببلد جديد حر كامل لايحكمه العسكر ....انا بحلم ببلدي ياعسكر بالاختصار (أ.ح.أ يــاعسكر )
 اللي بيضرب اهله وناسه يبقي خسيس  من ساسه لراسه 

**********(نستقبل رمضان)*********

نستقبل هذه الايام رمضان ونحتفل برجوع زائر السنه ...ولكن هل علينا ان نفرح به وننسي من استشهدوا من اجلنا من اصيب ولم يعالج بعد من تم اعتقاله ظلما وعدونا ولم يعد بين اهله

اليوم ومع احتفالنا بذكري شهداءنا يوم 28 الماضي علي مرور 6 اشهر من عمرهم في الجنه
تبدا مجازر اخري اكثر بشاعه .بدلا من ان يحتفل اهل سوريا بشهر رمضان المبارك بالمدفع ...يرقي المدفع الي الدبابات الحربيه وبدا من المفرقعات الصغيره للاطفال (الصواريخ) ابدلهم بسيل من .... الطلقات والقنابل

لاتنسوا من دافعوا عن حريتنا ولاتنسوا من يناضلوا من اجل حريتهم حفظكم الله
*ملحوظه* بعد فض اعتصام باقي الحركات السياسيه والاحزاب امس تتم عمليات هجوم علي الميدان منذ الفجر الامر الذي اضطر باقي النشاطين لمناقشه فض الاعتصام مع اعتراض اهالي الشهدا الخروج من اماكنهم 

( مش هعرف افطر وهو مش قدامي )

اللهم ارحم شهدئنا ...وادخلهم فسيح جناتك ونحن نعلم انهم اصبحوا شهداء مهما كفرهم الظالمون

هوبا ورحت عامل تدوينه جديده

طبعا انا كونت بفكر بقالي كام يوم هكتب ايه بامانه هي كانت قصه بقالها فتره بفكر فيها وبحاول اعيد صياغتها في دماغي والله ولحد لدوقتي اهو بفكر واعيد تظبيطها ...... بس لاقيت واحد صديق عرفته مؤخرا استفزني بقصه جامده اخر حاجه اسمها ...(دموع التماسيح) قصه قصيره عجبتني لدرجه انها استفزتني وقلت لاء بقي لازم اكتب ام القصه دي (((((((((((((( هوبا ورحت عامل تدوينه جديده )))))))))))))
تاكيد هذه القصه من خيال الكاتب ولا ترقي للحقيقه ولو تناظر اسم او موقف معاها فهو محض صدفه وليس اكثر
.......................................................................................................................................................................

(((((((((((((((( مصر بعد الثوره المضاده )))))))))))))))

اليوم 25 يناير سنه 2012  الساعه التاسعه صباحا في ركن من اركان القاهره اتمشي متلفتا 
ادخل من شارع لاقي نفسي بالاخر حتي وصلت غايتي وانا اراقب الطريق حتي اتاكد انه خالي ممن دائما خلفي اركض مسرعا علي الدرجات تطوح كم الانفعالات بي حتي وصلت فطرقت طرقتي المعهوده علي ذلك الباب القديم المتهالك  يفتح حمدي  (حد وراك ) ارد بنفس متقطع ( ياعم انا بقالي ساعه بلف حوالين نفسي تعبوا اهلي ايه دا هما شادين حليهم علينا ليه كده النهارده ) فوجئت بحمدي متسمرا ولم يرد بعد

فيه ايه نطقت بها وقد تمنيت الا اسمع  الاجابه المعهوده منذ سنه  ولكنها وقعت علي هذه المره كالصاعقه عندما نطق حمدي بها وكانه يريد ان يلقي بحمله علي لانه تعب منها (قبضوا علي كل تنظيمنا في السويس واسكندريه )............

(ازااااااااااااااااااااااي لاء ...مش ممكن محمد الاسيوطي .... مصطفي بتاع السويس ... احمد عرفه الاسكندراني )(مسكوهم ازاي ) يرد صوتا حزينا خارجا من الغرفه المقابله (كلهم يا احمد ...امن الدوله ما سبش حد فيهم) بكيت من فرط المي وحزني علي اخوان نضال 25 و28 يناير  سرحت بفكري بعيدا وتذكرت كيف خرجنا جميعا مسالمين نطالب بحق العيش الكريم وقد اقتصتنا الحكومه يوم 28 بالقمع والضرب في المليان ولم تهمهم الافنا المحتشده ثم عمل امن الدوله علي ابطال الثوره اللي طالما حلمنا بها وقد تعاملت معنا باسلوب القوه تغلب الجميع فقد ازلتنا بخطف اهلنا واحد تلو الاخر ثم ابطال عملنا السياسي بالقتل بلا رحمه  ومن لم يات يقتل اهله فاما انتا او اهل بيتك ....حرب بلا هواده تستمر بنا حتي اليوم وقد كونا فرق مقاومه سياسيه ولكننا معروفون لهم كما انهم معروفين لنا والشعب متحير بين الحكم وبيننا  فيقال علينا عملاء ...جواسيس ارهاب ومنظمات خارجيه تسعي لارساء الوقيعه بين (الحكم )و ( الشعب)

ونحن لانملك سوي قلم وحبر نطبع المنشورات ونوزعها الي ان تم اعتقال كل التنظيمات التابعه لنا في احداث سبتمبر المشهوره

التي اطلق علينا فيها اننا الركن الجهادي لتنظيم القاعده في مصر ...نحن لم نكن كذلك  قتلونا اجمعين ومن اصيب منا تشزم في انحاء مصر ولم يتبق منا سوي حركتنا هذه وحركتا السويس واسكندريه  وها هم ياتي عليهم الدور في وسط الاحداث الجديده بعد ان تسلم جمال الحكم من ابيه ونصبح الجمهوريه الملكيه الثانيه في المنطقه  ويذهب مبارك الاب الي منتجع (شرم الشيخ) ليقضي ايامه الاخيره هناك

 ويتبقي لنا مبارك الابن مع امه و زكريا عزمي الي جانب وزير الداخليه حبيب العادلي ورئيس مجلس الشعب الجديد احمد عز  وحربنا الطاحنه معهم ......... (احمد اانت بخير يا ولدي )سالني الشيخ حسن عضو جماعه الاخوان السابق التي كانت محظوره واصبحت شبه حركه بسيطه لانه تم القضاء علي كل من بها ايضامع حركه تطهير العادلي جزار الدخليه فلم يبقي علي معارض للنظام بعد( احداث 25 يناير )

قبضوا عليهم ازاي  تسالت وقد خاولتني مشاعر عده  لا اتحمل وصفها ........... رساله من احمد نقلها الاسيوطي الي السويس وكانوا وراه لحد ما وصل وقبضوا عليهم كلهم في وقت واحد

تخيلت المشهد وتخيلت ما حدث بعد ان تم القبض عليهم كما يحدث كل مره فاوامر صريحه لا مساجين  فقط جثث

وبعدين هنعمل ايه تسالت وانا احاول ان استجمع قواي بعد هذه الصدمه الجديده ........... لسه بنجمع باقي الافراد عشان نعمل اجتماع عام لانه  الموضوع خطير واحنا اخر فصيل وهما مش هيهدوا الا لما يجبونا ........... ترن في اذني طرقاتنا المعتاده  يجري حمدي ليفتح كالعاده يطلق شهقه مكتومه وتعقبها ........... طلقاااااااااااااااات لم تهدا ابدااااااااااااااااا


بيان السيد رئيس الجمهوريه ((((ايها الاخوه المواطنون ........... في هذه الايام العصيبه يتمكن افراد شرطتنا الاوفياء في عيدهم القومي من ضبط اكبر تنظيم المنظمات الدوليه الصربيه  وفلول القله المندسه ....فقد قامت بعمل ثلاث اغرات علي اوكارهم وضبطهم متلبسين باعداد خطه لقلب نظام الحكم
في السويس والاسكندريه والقاهره  وتمكنت من ضبط معهم كميات من المتفجرات والاسلحه وكانوا يخططون لضرب مراكز حيويه ووزارات الدوله واماكن مخازن اسلحه القوات المسلحه والهجوم علي موكب رئيسنا الغالي عاشت مصر حره وعاش ابنائها من افراد الشرطه الاوفياء وبارك الله لهم في دفاعهم عن وطننا الغالي  رئيسكم المحبوب  جمال محمد حسني مبارك )))))))))
..................................................................................................................................................................
قبل ما تقفل فهمت انا كان قصدي ايه ............. تخيل عكس اللي احنا عملناه ........... بوحدتنا وبس لاننا كونا عاوزين نسقط النظام ............. ارجعوا تاني للبلد ورجعوها للشعب وبعدين نفكر في المناصب .......... هتفرطوا فيها وتبصوا للمناصب تاني ..... هنعيش تاني 60 سنه في حكم عسكر

ماتنسوش احنا عملنا ثوره مش حركه اصلاحيه احنا اللي نحكم مش نتجبر علي الاحكام 

 احنا نصدر القوانين مش نتعامل علي اننا عيال صغيره
كولنا مع بعض بكل اطيافنا واتجهاتنا مصريين حتي العسكر برده
 ازاي بقي يبقي حد يصدر قوانين وهو زي وزيك مصري 

ومالوش افضليه عليك كله تحت القانون بيتساوي
((((((احنا الشعب الخط الاحمر ))))))))
(((((((((((((يسقط يسقط حكم العسكر )))))))))))))))

.

تدوينه للتاريخ و بدايه سقوط للمجلس العسكري

 انا مش هكتب حاجه انا همجع هنا اللي الناس اللي كانت بتضرب معايا او بتضرب فيا  صورته بقدر الامكان واوعد ان اول ما يقع في ايد ي اي فيديو اوصور توثق جريمه المجلس اللي خلي الشعب يضرب في بعضه هرفعها هنا عشان تبقي وصمه عار علي الحكم العسكري لان فيه ناس لسه بتقول ان العسكر هما الحل تيييييييييييييييييييييت وبعدين بقي هحكي اللي شوفته واللي سالت الناس عن اللي ماشوفتوش عشان ابقي حيادي

                                  

 ضابط شرطه عسكريه  اعلي اسطح احدي البنيات قبيل وصول المسيره بساعات قليله......؟؟؟؟؟؟؟؟؟؟؟؟؟؟ معناه ايه

 الجيش + الشرطه + البلطجيه = ايد واحده

                      

               

                          

                         

لقـــــــــــــــد هــــرمـــــنا

والله مش بهزر ولا تريقه احنا فعلا هرمنا وورمنا ....لسه بتسال ليه هرمنا  دانا شعري إ بيض من كتر ما بتكلم ....عمتا تاني مره عشان البيه لو ما فهمشي الحق عليه .............

بص احنا نغض النظر عن مواضيع بيني وبينك يعني ماتقولشي انتاج وبسكلته واقولك حر واعتصام وناس بتموت عشان اضراب ..... ايه رئيك في الصفقه دي ....

انا هتكلم عن شويه اسئله بامانه انتا ترد بشخص هو السبب في اللي بيحصل ..........
مين ادي امر بالضرب ....وكان بيتفرج علي الناس بتموت ....؟؟؟؟؟
مين جوع اهلنا 30سنه .......؟؟؟؟؟ مين باع البلد وعمل وسوي وكان اله والعياذ بالله .........؟؟؟؟؟
حلو انتا بتسخن معايا ......
مين بقي مختفي دلوقتي ومحدش يعرف عنه غير من المحامي اللي بيقول كلام والحكومه بتكذبه.......؟؟؟؟

مين بقي رافض محاكمته ؟؟؟؟؟؟
مين بيقول لو مات جنازه عسكريه ؟؟؟؟؟؟
مين مشارك معاه في صفقات السلاح ......  ؟؟؟؟؟؟
مين مش عاروز البلد تمشي ؟؟؟؟
مين عاوزنا نقول يرحم ايامك يابن الكلب ؟؟؟؟
مين قال  اسمة مش مخلوع اسمه رئيس سابق ؟؟؟؟؟
مين مخلي رجاله مبارك لسه مكانهم ومش هتحركوا ......؟؟؟؟؟
مين اللي بيزل شرف ومش مخليه يتحرك؟؟؟؟؟؟؟
 انتا كده تمام
مين قــــــــــــــــــــــــــــــــــــــــــال اننا اخترنا المجلس العسكري  في الثوره يمسك البلد ؟؟؟؟؟

  مين قــــــــــــــــــــــــــــــــــــــــــال   ان طنطاوي من حقه يعزل ويحكم........؟؟؟؟؟


مين قــــــــــــــال ان طنطاوي حمي الثوره الجيش اخويا واخوك ماشي لكن لو حمي الثوره كان خلص البلد من ابن الكلب وعمل انقلاب من سنين  مش طنطاوي وقياده  صح ؟؟؟؟؟؟

  مين قــــــــــــــــــــــــــــــــــــــــــال ان طنطاوي القائد الاعلي مبارك كان القائد الاعلي  طنطاوي كان حته وزير دفاع  ؟؟؟؟؟؟؟؟؟؟

طب ماتنزل معانا  يوم 23 وقول لطنطاوي
معانا انتا مش رئيس انتا بس علينا دسيس
يا طنطاوي صحي النوم حكم العسكر اخر يوم
يسقط يسقط حكم العسكر  

  لقـــــــــــــــد هــــرمـــــنا 

  إ مضاء 

واحد اتخنق من العسكر

مصر بيحكمها المصريين وبس

من الاخر كده  شرف الوزاره الجديده مع ان فيها ناس محترمه وعاوزه تخدم البلد ...بس ماا تشتغلونيش بيهم مش وزير الاتصالات والصحه هما المشكله  ......كلنا عارفين المشكله فين (المجلس العسكري والمشير بالذات)انا بقي مش مرتاحله انتا مرتاحله؟؟؟؟؟؟

بامانه كده مين معاه حنفيه الفلوس اللي بتاكلنا ......مين معاه حنفيه الغاز اللي بتروح لاسرئيل ......مين معاه السولار ومتحكم في شركه الوطنيه بتاعت القوات المسلحه .......مين معاه قياده الجيش ولو عاوز يحاكم بتوع الشرطه (محاكمه عسكريه )يعني لللي مش عاوز يزل يشوف شغله صح يتحاكم عسكريا ويسيب الشغل بدل ماهو عار علي الداخليه .....مين بيحمي مبارك .....مين مش عاوزهم يتحاكموا .......مين بيداري عن البلاوي بتاعتهم .....مين مش عاوز البلد حالها يتدعدل .....طب هو احنا عملنا ثوره عشان ايه ...... طب لما انتا معايا في كلامي معترض لما بحاول اخد حقي وحقك .....يا تنزل معايا ....يا تسيبني اجيب حقي وحقك معدنا 23/7 عشان نعرف المجلس ان الشعب هو اللي بيحكم مش حد تاني واللي مش عاجبه يغور في داهيه لان مصر بقت للمصريين  وبس ...........
يلا ننشر الورقه عشان يعرفوا الشعب عاوز ايه من غير ما حد مايوجهه



http://www.4shared.com/document/luret8I6/____.html

  (((((((((شير .....اطبع ......عرف الناس ........)))))))

(مسيرات في مصر كلها لحد المجلس نعرفهم ان مصر بيحكمها شعبها مش اللي قاعدين في شرم )

منكوا لله جيبتولنا البواسير

 اليوم وانا استمع الي رئيس ورزائنا الحببيب د/عصام شرف  احسست باعياء بسبب ما قيل وقد احسست اننا قد نسينا اهم شخص الا وهو (ابن الكلب اللي بيكتب الكلام اللي بيقروه ) الشعب يريد معرفه الشخص ابن الجذمه دا ومحاكمته  الراجل من غبائه وقع مبارك وهنايكمن الفساد فكيف يترك هذا الرجل ان يخلع فهو من اغبياء القوم  ولننظر سويا له في كل اعداداته السابقه مرورا بامس  ونهايه باليوم 

سنتاكد انه من اثنين اما معنا نحن معشر بلطجيه الثوار او او انه غبي بالفطره وذلك انه جعل الشعب يتسائل اليومن فعل ماذا فشرف وله كل احترام وتقدير طلب ان ..... وتسائل متي......والسؤال يطلب ممن ويتسائل لمن فهل هو راس الحكومه ام هو متصم معنا .......

و قـــــــد   كان رد الفعل الطبيعي   ان يقول ليه الشعب يا شرررررررررررررف فاضلك زلطه وتطلع بره   وبعدين لما نجي نتكلم نكلم مين باسم مصر اين انتا ايها  العسكري ...............

عمتا ياريت تشيلوا الراجل اللي بيكتبلكوا الكلام عشان با مانه احنا تعبنا ......................وبامانه................................
                (((((( منكوا لله جبتولنا البواسير)))))))))  

(((((((((((فككوا مننا وبصوا للبلد ))))))))))

انا اتخنقت بقي بصراحه من كل واحد يقول خربتوا البلد منكوا لله وانتوا قاعدين مش فاهمين اللعبه .........

ده علي اسااس اننا بيعنا الاراضي بالرخيص وبعنا الغاز لولاد الكلاب ........ علي اسااس اننا كونا بنصدر للعالم منتجاتنا من الطائرات الحربيه والمدنيه  وشويه عربيات علي دبابات علي موتسكلات مصري وبمب وصواريخ  ...... علي اساس اننا عندنا اكتفاء زاتي من الاكل اللي بتطفحه كول يوم  وبنصدر الباقي لامريكا عشان عندهم عجز ........... ام البسكلته بتاعت الانتاج .....طب بلاش دول والسياحه احنا وقفناها طب ماشي ......علي اساس ان دخل مصر منها كام انشاء الله دي السياحه الساحليه اللي في جزر القمر لو حد يعرفها اصلن اضعافنا  وابحثوا انا مش هبحث ....... علي اساس اننا حابسين مبارك في شرم وبكده احنا وقفنا سياحه سيناء كامله ...... علي اساس الاثار اللي لحد دلوقتي بتتباع عن طريق ناس هما عارفين نفسهم زمان ودلوقتي ...... طب وقناه السويس دخلها زاد وارجعوا للارقام بعد الثوره من 2الي 3 اضعاف .....والاستثمار نص العالم عاوزيستثمر بس يكون فيه رئيس ومجلس شعب وكلام من ده .....طب والمجمع منكوا لله طب ايه رئيكوا ان اغلب الموظفين قالوا انتوا صح ونفسنا نيجي نعتصم معاكوا ..... وكمان قالوا لاغلب الناس ازاي يخلصوها من المصالح .......طب بلاش دي ..... فين اصلن مطالب الثوره .... فين دم الشهداء  فين ولاد الكلاب بتوع العادلي اللي كول محاكمه بيضربوله تعظيم كانه بطل اكتوبر ....... طب ليه  كرنفااااااااااااااااال البراءات ده ؟؟؟؟؟؟؟؟ طب امتي مبارك هيرجع ؟؟؟؟؟طب هي فين الثوره ؟؟؟؟؟ طب وانتا قاعد ليه ؟؟؟

يلا انزل وساند اخواتك اللي بيدافعوا عن حقوق البلد وعن مستوي دخل محترم مش اكتر عن دم الشهدا  ساعد ولو بساعه ولو مش مصدقني انزل برده واعرف 

(((ولاد الكلب اللي في التحرير البلطجيه ))) عاوزين ايه من البلد لاكن هتقعد تقول من بيتك انتا كده لامؤخده عامل زي 

...... اللي رقصوا علي السلم لا اللي فوق شافوهم ولا اللي تحت سمعوهم وفي الاخر لو احنا موتنا مش مهم بس اقولك شكلك ايه بعد 30سنه زل تاني وولاد يعملوا زينا ويقولولك انتا اللي عملت كده فينا لو كونتوا نزلتوا التحرير ودافعتوا عن حقوكوا ماكوناش بقينا كده

وعمتا لو حصلنا لنا حاجه دمنا في رقبتك واحنا مستبيعين عشان بلدنا .....

...............ففككوا مننا وبصوا للبلد .............

إمضاء
بلطجي من بتوع التحرير

يا ايها المستمعون قموا من علي الكرسي عشان بيسد ودانكوا

الامس 2011/7/8  يوم استعاده الثوره والموجه الثانيه من الثوره  قال الشعب كلمته وقالها بصوت وزئير سمعته كل بقاع الارض ماعدا بقعتين مدينه نصر ومجلس الوزراء فلماذا لم تصلهم الرساله

ان الكراسي تصيبهم بالطرش فقد اصيب بها المسؤلون من قبل والان تصاب بها حكومه الثوره والدرع الواقي لها ولذلك علي اعتبار انهم يريدون الاستماع من الاساس
دوله العواجيز لاتستمع لاحد لذك هب شعب مصر مره اخري للدفاع عن بلده وعن ثورته للمره الثانيه في اقل من 6 اشهر لعدم شعوره بالتحرك نحو المنشود من رفعه الوطن ومحاكمه الفاسدين وولاد الكلاب من الداخليه مرورا بوزيرهم وعوده للمنظف في عهد مبارك صعودا ابو العزم وذهابا الي طنط وولي العهد واخيرا ابن البركه اللي مش مبارك ....فمن الواضح وجود نيه كامله من عدم محاكمتهم اجمعين

ونظرا لهذا اصدر الشعب زئير نفاذ الصبر ........ وبعدها سيحاكمهم محاكمه العين بالعين اي قتلهم واي من يتستر علي تهريبهم او خروجهم من تحت ايدي العادله سيقتل علي يدي الشعب وتتحول هذه الثور البيضاء الي اكبر ثوره دمويه اغيثوها اكرمكم الله

 انقذوها من جنونها اسرعوا بالله عليكم حتي لاياتي يوم لاتحمد عقباه ونقول ياريت اللي جري ماكان  .......... 

هذا ليس تهديد مني فانتم تعلمون جيدا ما يجول في داخل الشارع المصري ولاكن عمليه التنفيض المتعمد ستحولها الي لدمويه والدمويه لن تتعبر لقياده في طريقها

يجمع الناس امس انكم يا ساده ان اردتم تبرئتهم انه سيتم المجئ بهم وباهلهم اجمعين وقتلهم امام العالم ......

فلما انتم  صامتون ....لما تتلكئون.....لما تماطلون .......

اذا كان الكرسي قد افقدكم السمع

فــــــــــ(يا ايها المستمعون قموا من علي الكرسي عشان بيسد ودانكوا )..................

بــــــــــــــــ وكسه ــــــــــــــلا: لكل فعل رد فعل

بــــــــــــــــ وكسه ــــــــــــــلا: لكل فعل رد فعل: "صباح اومساء الفل من الاخر كده فيه ناس مستغربه ليه قفشنا الش الش الش علي موضوع الجاسوس ده واشمعني يعني حوار الجاسوس : عمتا انا بتكلم عن نفس..."

لكل فعل رد فعل

صباح اومساء الفل من الاخر كده فيه ناس مستغربه ليه قفشنا الش الش الش علي موضوع الجاسوس ده واشمعني يعني حوار الجاسوس :

عمتا انا بتكلم عن نفسي  النهارده 14/6  يعني فات حوالي 4 شهور علي خلع ابو لازقه بغرا
نشوف عملنا ايه (الشهداء ادفنوا--- استفتاء ولابد منه ليه مش عارف مع انه كده كده اعلان دستوري ---- محاكمات الللي بيتاجل ههههههههه واللي بيتاجل ----تعويض شغل عداله اجتماعيه سولاررررر غاز وانابيب  كله فشنك ----  حتي رغيف العيش مش لاقينه ---- والبلوه بقي هههههههههه الكرامه وانزلواتحت شوفو الشرطه بتعمل اي انا بقول نغير شعاهم ونخليه(الشرطه في سحل الشعب )كده اصدق)     طيب ولا هدف اتحقق .......... وبعدين خود عندك بقي كميه تخوينات لبعض الاطياف السياسيه دول كفره وملحدين ودول طامعين في الثوره ودول ودول ودول  عمتا انا ليا راي ومش هتكلم فيه انا بس عاوز اعرف لمصلحه مين !!!!!!!!!!!!!!

نعدي بقي من الكلام ده وندخل بقي في خيال الأته التاني والجديد اصل شعبنا والعياز بالله مايخيش غير بالتخويف ههههههههه  بس للاسف كل اللي فات مانفعش  وجت بقي اللعبه في الجاسوس ايا ماكان صح والا لاء بس نبص كده ونشوف

اولا تهوووووووووووووووويل ابن كلب للموضوع و50سنه وبتاع طب سؤال صغنون كده هو لو ليه زملاء ههههههه ودا شيء طبيعي حتي لو مايعرفهمشي هيعملوا حسابهم بسبب الهبل ده دا لو هو مش حقيقي هيعملوا حسابهم
 

 ثانيا المصلحه بقي  الراجل ده كشف نفسه للناس عامل اكونت علي الفيس متصور في مصر كلها  ياعم دا كان ناقص افتح الحنفيه الاقيه  مش مهم  طيب طالما هو جامد كده سابكوا تقبضوا عليه متلبس والله اللي اعرفه من متابعتي لدكتور/ نيبل فاروق ههههههه وبعض افلا الجاسوسيه الامريكيه  انه بزرار اللاب يولع ولا هتعرفوا تخدوا منه حاجه ههههههههههه معلش افلام كتير واكله دماغي  

ثالثا بقي حوار الصوره اللي عاملين عليها حوااااااااااااااااار بتاعت اوباما اللي نزل التحرير اخر مرتين علي الاقل كان شاف ان اليافطه دي كانت مع واحد مصري لما  اوباما قال هندي لمصر مليار دولار معونه لما نجيب سويرس قال بسسسسسسسسسس دول بخلا اوي  ناقص يشحت علينا  ايون انا بقي شوفت الراجل كان بيدي اليافطه لمصريين واجااااااانب كتير لانها مكتوبه عربي وانجليزي  وكانوا بيتصوروا بيها يعني مش هو اللي عاملها

رابعا هههههههههههه الموضوع بقي خد شكل جامد فكرنا كولنا بفيلم احمد مكي (لاترجع ولا استسلام )تحس ان لو الموضوع ده بجد يعني  كان قاعد قائد الموساد وقال ايه احنا نحط عميل لينا في التحرير (دا علي اساس انهم مش عارفين اللي بيحصل هنا قبلنا ) ويكون عامل صحفي  يروح راضض واحد من الضباط اللي خايف علي امن اسرائيل بس دي اتهرست في 300 فيلم ومسلسل دا المصرين عمونا بيها جمعه الشوال- رافت الهجان 1/2/3 -مهمه في تل ابيب  دا غير الامريكاني فيروح بقي القائد منفوخ ويقوله ههههههه منا عشان كده قولت اعملها عشان مش هيفكروا فيها وهنسميها (مهمه في التحرير بين قوسين(الطريق بتاع ايلان) وايلان  كان مسميه  عقيد مهمه )
 

خامسا بقي ليه كان متساب من 28/2 لحد 12/6 ومش هطول هنا
 

كفايه كده ودا بقي رد الفعل  ايه هو الفعل اولا بس انا مش بشكك في المخابرات ولا اجهزتنا وليهم اكبر فخر بس عاوزينهم يثقوا فينا شويه ويعاملونا بحترام عقلي مش يثبتوا وجهه نظر رئيس المخابرات السابق والنائب المخلوع (عمر سليمان )(الشعب لايفهم ديمقراطيه)

والنعمه احنا زي العسل وبنحبكوا  

الفعل:-

تسلم يا بلال باشا قولت اللي عاوز اقوله والله

بيان مستفز من النيابه العامه  يخلي كل وسائل الاعلام تقول ان الشباب كان مسيس عشان سمع كلام الجاسوس من يوم 28 لحد ما اتقبض عليه دا ساحر علي كده بقي وخد عندك بقي كل الناس اللي مستنيه التكه بتاعت انتوا السبب منكوا لله خربتوا اليلد وانا قولت كان فيه جواسيس  ولسه بقي حمله كنتاكي والدولارات والاجندات الكبيره  وقله مندسه واهم حاجه تامر بتاع غمره
والمشكله بقي ان بعض قيادات القوات المسلحه طلعت تقول الكلام ده علي لسان اليوم السابع مش بجيب حاجه من عندي  

متوقعين ايه بقي نفضل شايفين نفسنا بنتشتم 

احنا عمتا بنتريق علي الجاسوس الاهبل اللي متصور في كول حته عشان ما يتقفش  ههههههههههههههههههههههه مش كده بردوم
ثوره 25 يناير  عربي ام الاجنبي  
والله الموفق والمستعان 
سلاموعليكو

...............الوضع تحت السيطره .................... (ج2 )

سبحان الله العظيم من اسبوع كده كتبت ( .الوضع تحت السيطره ج1) وعندي احسا س اني هكمل مع اني مش عارف هقول ايه تاني بس واضح ان الموضوع بقي جامد اوي نكمل بقي تحت السيطره دي ازاي ................

الناس دي عاوزه ايه  عشان نفهم من الاخر  الناس دي جايه لوي دراع وفاكرين هنقول مش مهم بس خليكوا والنبي 

• طب السواق وقولتوا انه ضرب المامور ضربه لولبيه علي فكه الايسر ومن ثم حق اهدر دمه

• طيب الواد اللي عنده ١٧ سنه اللي (المخبرين دغدغوه بالشوم و التاني بيخلص  راقد في المستشفي ) واهله 
•  هينفذوا حكم الله 
• (( وكتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن والجروح قصاص فمن تصدق به فهو كفارة له ومن لم يحكم بما أنزل الله فأولئك هم الظالمون ( 45 )سوره المائده )
• وهما مش هياخدوا كفاره مش عاوزين من الحكومه حاجه هيعدومهم بالنار بلالالالالالالالالاش دي

• ايه بقي قصه( امن الدوله اللي مش امن للدوله وبقي ارهاب وطني بدل امن وطني) يعني ايه بنت تبقي مروحه بيتها عادي كده يطلعوا عليها ويخطفوها  ال ايه
• «انتوا فاكريين ان المجلس العسكرى ولا اللى جاى بعده هينفعكوا ده اقل حكم 3 سنين واللى هيكسر اشارة مرور هياخد 5 سنين واللى هيغلط هنجيبوا وهيتحاسب واللى مش هيغلط هنجيبه ونلفقلوا». طب بلاش دي كمان
•  

• وبقي اهل البلطجي( دا هما اللي بيقولوا)  اللي ولعوا في محطه السكه الحديد دول كوم تاني  بامانه الراجل يشكر ونفسنا الباقي كده بس مش ضرب نار يعني هو اللي يحكم  الحق يقال ان فيه ناس كويسه بس دور بقي علي الابره اللي في كوم القش وياتلاقيها يا تاخد فيزا

• طيب كل دول ولاد تيت ووحشين وبلطجيه وفلول وبتاع واجندات  كلام مجلعص كده طيب بقي والبنت دي بقي جابت اخري دا كل ده في اسبوع واحد او اتنين امال لو كملنا السنه  (دا بغض النظر عن استدعات النيابه العسكريه للاعلاميين والمدونين  لانه خلص  )

• مى متولى السيد متولى طالبه اعلام كانت تقود سيارتها واستوقفها ضابط شرطة بحجة انها تقود بسرعة ... وقام بسبها فتناقشت معه ان هذا لا يصح فهى لم تفعل شيئا يستحق اهانته لها ولكن الضابط الهمام تمادى وكأنه يتعمد اخراج ما به من حقد بعد ايام الكبت التى عانى منها خلال الثورة وسبها بأمها وهنا ردت مى على الضابط بحسم الا أمى لا تسب امى ..وتتم محاكمتها عسكريا

• كيف يعقل هذا  بانهي عقل منكوا لله  افهم كول دول بقي علي الشرطه لاء وايه كول الادله ضد الدخليه  دي مابقتش اصباع اتهام دي بقت اصباع ورجول  ودراعات وحاجات كتير اوي 
•  
• بس بامانه واضح جدا ان الاستقرار موجود السرقات خلصت الا العادي يعني  والشوارع فاضيه  مافيش قتل ولا نهب ولابلطجه بامانه رجاااااااااااااااااااااااااااااله  تضربوا رجاله عادي تضربوا بنات  عادي بردوم رجااااااااااااااااااااااااله بس ياريت بقي وانتوا بتضربوا افتكروا ٢٨يناير عشان تضربوا بزمه والناس تموت ديما اهو تحديد نسل بردوم اصلنا زيدنا كتير 
• ........... عمتا اقد اقول من موقعي هذا فعلا ..................((((((الوضع تحت السيطره ))))) ...................

فعلالالالالالالالالالالالالالالالالالالا بلالالالالالالالالالالالاوكســــــــــــــــــــــــــــــــــــــــــــــــــــــــــه

...............الوضع تحت السيطره .................... (ج1 )

بصوا  بقي انا مش عارف انا هكتب ايه وعن ايه لاني اتخنقت فانا هتكلم دلوقتي عن موضوع تحت السيطره  وربنا يكرمنا كده بس مانتسوش الحلاوه والعيش هههههههههههههه والا علي ايه احنا كونا زعلانين ان امن الدوله راح... راح.....راح (صدي صوت) طلع لينا السجن العسكري ....... المهم بسم الله كده ومع بعضينا نتكلم في تحت السيطره ..............

اولكشي بقي ايه الهبل بتاع امبارح ده مأمور نازل في امان الله الساعه 9صباحا يبص المرور إيه اخباره وعامل ايه بيطمن وبيطمن الناس عليه لاقي القسم منشي ومافيش حاجه ولا قتل ولا سرقه ولاخناقات ولا ناس هربانه وبلاش والنبي (فلول وبلطجيه ) المهم قال يشوف شغل بره بدل القعده الباطاله( علي اساس انه جاي من 6 ص ) ثانيا دي فيها جمعه عمل يعني ايدينا علي البلد الراجل مغلطشي راح نازل لاقي ناس عامله موقف عشوائي (والنعمه مكونتش اعرفها) بكل بساطه قالهم يلا من هنا ناس قالت سوري يا فندو انتا صح واحنا غلط كل السته قالوا كده ماعدا واحد مربط الفرس(با مانه انا لو مكانه كونت قولته هو انتا الراجل اللي فيهم وهما لاء ) وخد عندك شغل سوبر مان بقي بيشتم 300نفر ومش همه حد ولما الناس نزلته غصب وقالوله طلع الرخصه للباشا المامور وراح لافف ايده وهو بيقول لاء وبيشتم برده( ركز معايا بقي في الحته دي وراح المامور ضاربه بخده علي ايده) (السواق يعني ) راحو بقي الناس بقي اللي الساعه 9 الصبح رايحين الشغل ماسكين الرجل دغدغوه وبعدين المامور بقي استفجا انه بينضرب راح حاش عنه وزعق لهم واحنا هناخد اجراء قانوني( يا قانوني الواد كحل عيوني )المهم راحوا هيلا هوب حطوه في البوكس اول بقي ماراح القسم.... قالهم ودوه القبطي (مستشفي هناك) راحوا مودينه اتعمله الازم بقي ياخويا واسعافات وبتاع وشاي بالنعناع  ورجع زي الفل اتعمله تحقيق وهيحولوا نيابه عسكريه وهو رايح مع الضابط اذ فجاتن تعب راحوا مودينه الدمرداش  وهناك طق مات (زلط 21 كيلو بسبوسه وحته القشطه هي اللي موتته) الخلاصه جابوا اهله وقالوهم الحوار قالواأ ليسطا ياباشا انتوا ليكوا كده حق عرب معانا هنبلغ ابوه فيه بقي ناس خبيثه راحت للناس بتوع التحرير قالتلهم الموضوع راحو جايين جري (ماهم بيفرحوا في المصايب )ولازم حق الراجل وجه الجيش واصبح الموقف تحت السيطره   بس ياسيدي ودي الف ليله وليه ..................... هااااااااااااااااااااااااااااا ...انام انا بقي

ثوره تاهت يا ولاد الحلال

• محدش شاف ثوره تاهت ياولاد الحلال  …..عيله صغيره لسه مولوده تاهت من اهلها ومش لاقينها وكل ما يسألوا عنها حد يقولوا الناس اتجننت ….روحت اسال كبير الحته اللي بيحيمنا قاللي انا مش حميتها من الناس اياهم اللي كانوا عاوزين يموتوها ويموتكوا …يا فرحتي ياكبير طب انتا حميتها من الموت وسيبتها تتوه دانتا الكبير طب عرفها تعمل ايه بدل ما تغمي عينها وكل شويه تقول محدش له دعوه هي هتعرف تكمل كل شويه تقع وترجع تقول معلش طب لامتي يا كبير انا تعبت وانا مش قد كل التعب ده ثانيا احنا كولنا لازم نشارك في تربيتها ….  طب وبعدين بقي معاكوا يا بشر روحت لاخويا الكبير اللي الناس كانوا عاوزين يقتلوه معايا اخويا دا بتاع دين شويه وبحبه بس مش ديما متفقين …بشتكيله من كبير الحته واللي عمله معايا استفجا ياخويا بخويا بيقولي انتي بقيتي كافره ومن وراه ناس بتقول بقيتي مش عاوزه تربيها علي الدين ليه وليه يخواتي بقولي عاوزه احتفل بيها وانتقم بكل اللي كانوا عاوزين يموتوها غلطش انا وفي الاخر يقولي لاء اصلك مش عاوزه ولاد الحته يربوها معاكي …..طب يا خويا يا كبير ياللي عندك 70سنه ربنا يزيدك ويخليك ليها زي ماحمتها كده وبصلي انتا بقي عاوزا تشحت عليها وتكون بقي كبير الغفر في الحته  مانتوا عارفين ياخوانا اصل ثوره دي بنتي بس لازم ولاد الحته كلهم يشاركوا في تربيتها اومال ايه دا من غير حتي ما يشوفوها كانوا  بيحلموا بيها  ولما كونت بقي لسه حامل فيها كانوا بيدافعوا عنها برحهم ضد الكلاب …… طب ماا تودوا الكلاب دي حبل المشنقه عشان تعرف انها لما جت غيرت الدنيا والا هي مالهاش لازمه وكانت رخصه اوي كدا ثانيا يا خواتي طالعلي بقي اليومين دول شويه عيال بيقولوا انهم ابهاتها  لالالالالالالالالالا والنعمه دي رباني كدا من عند ربنا ملاقيتش حد ينجيني بقي روحت رايحه لاولادي بقي اللي بشروني انها جايه ومصدقتهمش واخواتهم ماتوا وهما بيدافعوا عنها سالتهم فين ثوره رضوا وقالوا انتي فين من بدري يا امنا وام الدنيا الحقي ثوره خطفها بقي مين سالت مين قالوا كبير الحته …و واخوانا الكبير …. والعيال اللي عاوزين يكونزا ابهاتها وشويه عواجيز بتوع اخر الشارع قال ايه عشا ن يحموها منننا ومنك يا ام الدنيا تخيلي وكمان بقي عاوزين يربوها بمازجهم كل واحد تقعد معاه شويه ……طب هعنمل ايه يا ولادي يا حبايبي راحوا راضين يا م الدنيا احنا بقي هننزل ميدان التحرير يوم الجمعه عشان نرجعها لينا تاني وان كان عاجبهم دي ثوره دي حته من كل واحد فينا ماينفعشي حد يخودها لواحده  لانها منننا وكل واحد له فيها